फागु पर्व २०७५ (होली) को सूचना
जिल्ला प्रशासन कार्यालय कपिलवस्तुको
अत्यन्त जरुरी सूचना
सूचना प्रकाशन मिति २०७५।१२।६
फागु (होली) पर्वको अवसरमा होली पर्व मनाउने नाममा कसैको इच्छा विपरित रंग छ्याप्ने¸ जथाभावी अबिर फाल्ने¸ हो -हल्ला गर्ने गराउने लोला हान्ने¸ जवरजस्ती अमर्यादित गैरकानूनी र उच्श्रृंखल किसिमका कुनै पनि व्यवहार गर्ने जस्ता कार्य प्रचलित कानून विपरित हुन् । कानून विपरितका कार्य तथा असभ्य व्यवहार कोही कसैले नगर्नु नगराउनु हुन जिल्ला प्रशासन कार्यालय कपिलवस्तु सबैमा हार्दिक अनुरोध गर्दछ । अनुशासित मर्यादित तथा व्यवस्थित तवरले होली पर्व मनाउनु हुन सर्वसाधरण सबैमा सूचना प्रकाशित गरिएको छ । कोही कसैको इच्छा एवं स्वीकृति वेगर यस प्रकारका कानून विपरित काम गरे गराएमा प्रचलित कानून वमोजिम कारवाही हुने व्यहोरा समेत सर्वसाधरणमा जानकारी गराईन्छ ।